2018年，對於我、對於A Little hand絕對是充滿驚喜的一年。我經歷辭職捨棄穩定，全心投入自己真正想做的事情，過程爭扎驚慌，怕輸、怕失敗、怕醫美流行的當今再無人接受相信人手美容。膽粗粗去闖出一片天，由搵舖、裝修、構思，都係我天馬行空想岀來，然後老公幫我實現，Ceci陪住我晚晚頻撲到零晨3、4點。舖頭的一切，牆係我油、地板老公舖、陳架自己鑽牆，淘寶揀傢私揀到天光，Ceci清潔整理，每一吋地方都係我地小手三寶創造。舖頭就好似我BB甘，我想做到最好！

我唔係大户人家、有錢女，我只係一個有16年人手美容經驗既人😛我經歷過收入好高、職位好高、亦經歷過窮到面包都買唔起兼欠債，我好明白「錢」既意義，情比錢更重要。坦白講，開張前一星期，我所有積蓄都花光，我户口得2千，我就係甘開始A Little Hand,我對自己好無信心，我準備開舖前驚無生意，我走去掛單做私家看護，唸住無生意下，我一星期返3日百本夜更，都夠錢交租🤣🤣點知一到開張日，來臨人數超乎我所想所求，開張日既營業額已經夠舖頭一年租金，我開心到同老公講，「好野！我唔使再返醫院工啦😭！」，我好記得Ceci同我講，一切既好都係我一直累積既善良💋，我感謝神，因為上帝一直教導我情比錢更重要！我份人喜歡用行動創造神蹟，用行動做見證，因為行動比說話更令人信服，終於我帶了Ceci信主，呢份喜悅大過A Little Hand 生意好！😊😊🌹

大家知道公司Logo點解嗎？😊
•A字遠睇好似玫瑰花🌹因爲我最愛玫瑰花，充滿熱情，係眾花之首，希望來到A Little Hand既人，生命都能夠似玫瑰花燦爛奪目
•A字裡面係有一對手，因為我地重視人手
•A字形態好似一個心，因為一切都用心做
•Little 既i 同t，上面係一個十字架，代表我既信仰，點解要係little 上市加十字架？因為上帝使用我呢位微小如塵埃既僕人去服侍他人。

感謝大家對小手的愛戴，日日full booking ，客人同我已經熟到傾心事，食完炸野都同我say sorry 🤣🤣因爲覺得浪費我心機。每逢一d重要場合前，都這定搵我還原靚靚拳，有d仲成日叫我將佢跌到落腳趾尾嘅蘋果肌拉番上額頭🤣，有d每次來都會買野食俾我地，有d買Cake，有d更送酒俾我！呢份情比錢更重要！我最開心就係客人同我講多謝、皮膚好左、個人健康左、氣息好左！真正幫到大家，做到「推廣正確健康美容化妝概念」😎😎 感謝你們帶給我豐盛既2018😊

2019，我個人都有小小計劃，我希望養好身子，期望2020年能夠有個小寶寶🥳🥳，好多客人都擔心我生仔就唔要公司，其實我懷孕都係有6個月左右時間唔落手做，你地都想見到我有新里程架😊😊公司我一手一腳建立，我唔會放棄架！話唔到我會再搬大d，有埋兒童樂園，甘各位媽咪就可以帶埋小寶寶黎還原靚靚拳啦🤗🤗因此經過慎重考慮，以及中醫勒令下，2020年6月後，我不再接新娘化妝了(特別人士除外🤪🤪例如好朋友），我只接宴會、party 、單件工作、姊妹、特技化妝，希望大家體諒🙏🙏Facial 、按摩無影響照舊！
公司方面，2019除左積極搵新鋪,希望可以搵到一個有獨立洗手間既單位，我目標希望有三至四間房,能夠請多三個美容師。公司除左有泰國師傅強勢加盟外，亦會引進角蛋白睫毛、熱能氣化、專利facial 等等，希望能夠俾更多book唔到既客人有位置！🕺🏻

感謝Ceci無私付岀，盡心盡力，竭力盡職！睇住你愈來愈進步，愈來愈有自信，談吐越來越成熟，自己一個可以獨立工作,我作為你老闆同埋師傅嘅身份,我都非常欣慰,期待2019你更加好嘅表現，感恩我能擁有你😘😘😘

感謝老公無埋怨我忙到爆，無陪你，感謝你實現我天馬行空既想法，感謝你陪伴，我覺得2夫妻能夠一齊作伴創業，經歷甜酸苦辣，呢份情，又係比錢更重要！感恩有你老公😘😘

感謝御廚，你無私付出，巧手煮岀一款又一款糖水，料足心思夠！我應承你，新舖會有個小廚，俾你發揮得更加淋漓盡致😝😝😝

期待2019更好更精彩！我會更努力，時刻警惕自己✅勿忘初心,✅情比錢更重要✅善良比一切更重要💪🏻💪🏻

感謝大家