最初由上門Facial作起步﹑再慢慢加入化妝﹑handmade禮帽﹑中西式頭飾,如果你有發現,會了解到全部都係以”一雙小手”為基礎。為左理想,我自己亦由一個有穩定收入既”姑娘仔”變成自顧人士,外人都覺得我好傻,成30歲人先學人講理想,好多人都覺得我唔掂,因為我無後台,又唔識食水深,淨係識得做!🧐🧐
但我好好彩,我嫁左俾一個無條件支持我﹑做我Back up既老公☺️☺️☺️!!係正式辭職,全力投入舖頭呢半年,我老公淨係同我講”你係得架!呢2年你放心去衝,屋企既野我會頂哂佢”,我好多謝佢無迫我生B,無迫我晚晚留係屋企煮飯!!舖頭裝修更加係佢搵埋班兄弟一齊整,唔使我操心,我只係負責用口講出我想點整,佢就幫我唸好佢!!我老公唔係好有錢,但佢個袋有100蚊既時候,佢會捨得花99蚊係你身上!!
終於,一個集合人手Facial 同無傷害makeup 概念店誕生啦!!

全新A Little Hand 將會呈現我創既獨家日式徒手提拉facial、代理自己一直係長期用家既護膚品、代理一個無人造色素、對環境無傷害既化妝品！仲有好幸運同一間理念相同、範疇不同既本港handmade 香薰品牌NaTural MoreNaTural More一同創立crossover 香薰系列！(關於產品內容我日後會逐一介紹)

我更加要多謝幫我整IT system Tobby 、幫我整品牌所有宣傳設計(包括呢張邀請卡)既Sarah、一直陪我顛既首席入室徒弟Ceci，幫我翻譯英文既妹妹，一直支持我創業既爸爸媽媽！一班我老公既好兄弟！一班睇好我既好朋友！喜歡我既小手迷粉絲！

我知你地好期待我既公佈！🙈🙈💪🏻💪🏻
我正式邀請大家係4月14號來臨opening ，詳情睇邀請卡！
好老實，我真係無幾百萬資金，所以我係由細舖仔開始，我亦無請好多員工，因為我主張人手，真係好難有個人附合我要求！我目前只係著眼做好自己，改善好小手迷既皮膚、教導大家正確護膚化妝！
到時全店7折！預約facial 大折扣！😊😊😊
來臨既人每人更獲禮物！係我精心預備架！
特別一提，千其千其千其唔好送禮物俾我！千其唔好送花！好浪費錢，一d都唔環保！唔好送招財貓，我信用心就能賺到錢！

我唔知將來點架！但係依家唔試，等幾時？
我只知道，用心去做，一定得！因為好人有好報！
凡事知足，凡事待人如已！唔好呃人，寧願自己蝕底都唔好欠人！
希望我能夠做到更好成績！化更多靚既妝、做好更多Facial 😊😊😊😊