工作既動力係咩?

工作既動力係咩?除左客人可以還原靚靚,皮膚好左之外,就係屋企人既支持!💪🏻

以前係醫院做,日夜顛倒,屋企人成日都叫我轉工,因為食無定時,休息唔夠,所以大家要好好尊重醫護人員呀!到依家自己創業,做自己真正中意既工作,媽咪都安心d,因為見到我無論幾辛苦,都會笑❤️❤️

媽媽同爸爸都係一個好成功既生意人,媽咪爸爸成日提我,凡事都善良,自己即使蝕底,都會令人地開心,做生意唔可以食水深,要過得良心,但又要堅持自己原則,唔可以俾人蝦!

媽媽同爸爸擔心我工作到好夜,無啖湯水飲,爸爸表達含蓄父愛,煮一餐好餸,媽媽就默默等我收工拎上舖頭俾我食,仲帶多份俾Ceci,屋企人就係工作動力!感謝媽媽爸爸❤️🥰

 

媽媽好開心同我分享,將我俾佢既新年花紅,全部拎左去捐🤦🏻‍♀️🤦🏻‍♀️好事來好事來!感恩感恩感恩😓😓

 

再跟住,就不停話想做婆婆😅😅😅

 

媽媽你真可愛❤️❤️