公司好快一週年，呢一年會員人數超乎想像，除左喚起一眾人士重新重視天然人手Facial 外，亦將「正確健康美容化妝概念」推廣俾大眾知道，我地從不反對醫美，只係更重視天然人手，因為人手先係最持久又徹底既解決方案！人手facial 最難唔係推廣，而係點樣培育人材，更重要既係留住人材。唔知幾時開始，人手facial 變得同羅湖$128相提並論，醫美就可以幾萬一次，人手facial 變得一文不值，其實一對溫柔而有力既手可能分分鐘用上10年時間去累積。

曾經被客人問點解我會做番轉頭人手facial,其實我係一直堅持初心用一雙小手去為大家服務。係擴充公司業務過程中，曾經見過無數應徵者，令我驚訝既係當我叫應徵者示範按摩，佢地反問我，「乜依家仲有人用人手做facial 既咩？又哂力搵錢又唔多」，我就係呢個哂力搵錢又唔多既人😊

一路都等待人材，曾經灰心，一路等待⌛️終於遇上Rayna，佢外表冷酷，但為人熱情，內心善良，好願意學習人手，佢仲同我講學人手先至有一種實在感，好感恩除左搵到Ceci外，有第二位同理念者，我成日同兩位同事講，美容師成日俾人感覺係食煙，好奸，讀唔成書先做，我好希望我所建立嘅A Little Hand 岀來既美容師係一位專業的皮膚治療師，同醫生冇分別，我哋係皮膚嘅醫生，我哋絕對係專業人士，有豐富嘅知識。希望公司有你地既加入，會愈來愈好！

曾經有人問我到底一間公司點樣先叫做成功，我覺得一間成功既公司就好似西遊記，由唐僧帶領孫悟空，豬八戒，沙僧，白馬，向着取西經一個共同目標而進發，五個人不同背景，不同性格，不同優點，不同缺點,大交互相彌補不足，大家互相幫助大家，負責不同崗位，誰也不能替代誰，大家無論身心靈都共同成長，互相扶持，誰也不拋棄誰，呢個先係成功既公司！

我呢位唐僧已經擁有了白馬，亦找到了悟空、沙僧，八戒你在那？

😊

感謝一直支持我哋嘅客人，更加感謝一直陪我我向前衝嘅同伴們，我是一個非常非常非常幸福的人😊