派發年尾成績單🔖

小手由細舖搬左大舖後,雖然呢半年香港病左,個特首同佢個政府又廢,又無能,又冷血,又無情,但感恩係小手搵到愛,搵到希望❣️呢半年經濟係差,但感恩小手一直都做好自己,勿忘初心,專注做人手facial ,亦專注做香港人生意,所以生意叫做過得去,仲撐到!除左多謝小手迷支持,當然仲有我最驕傲既團隊😎所有既收獲、網上好評都係全靠佢地唔計較、好為公司諗、早返遲走都無怨言,對客人又好,唔hardsell,會真正諗客人需要先提出建議!全靠佢地,我既理念先能夠宣揚出去!我好累想放棄果陣,佢地會鼓勵我加油!有心事會同我分享!

同事👯‍♂️👭👩🏻‍🤝‍👩🏼之間相處嘅時間,分分鐘仲多屋企人,所以要有一個開心嘅工作環境係非常非常非常重要!我以前做美容學師果陣,見證過爾虞我詐,明爭暗鬥,亦俾人害過,到做醫護人員果陣見證過極低EQ既阿頭、擦鞋專員、只用耳去看人既人、仲有小童圈子,所以我一直都提醒自己,要做一個有智慧、賞罰分明,用齊眼耳口鼻加埋個心去看人、用理性去分析事件先作岀褒貶既上司!

願未來既日子,我能成為更好既上司去帶領我愛既伙伴,我唔祈求公司變更大、開分店,我只希望公司能穩穩陣陣,根基紮實,大家專注做人手!我同我老公為你地預備既驚喜微不足道,希望你地喜歡!寄予下一年既禮物更大份!更驚喜🎁☺️願我能更強大,好好保護你地💪🏻💪🏻

a Little Hand 全靠你地幾個!全靠我甘優秀既團隊👩🏻‍🦰🧑🏻‍🦰👨🏻‍🦰👱🏻‍♀️👱🏻👱🏻‍♂️👩🏻‍🦳

多謝你地!❣️聖誕快樂🎁🎄🎅

🤫大家看到重點嗎?都唔知點解我老公都會有禮物🎁算啦,佢雖然冇實際行動幫到我哋幾女仔,但係公司都全靠佢成日返嚟鑽窿,d野先甘安全,慳左維修費,仲有就係鼓勵我陪住我嘅心靈慰藉費,係甘易送埋俾佢啦😂