環保M巾

限制令留多咗係屋企,多咗同隔離屋有交流,今日隔離屋就係見到我掛起一條條紅色嘅嘢,我同佢講呢啲就係環保M巾,佢好驚訝嘅樣問我乜原來有呢啲嘢。咁我就趁住呢一個公開嘅平台同大家分享吓
#女生秘密 我的 #環保M巾😛

大家都知道我係一個好注重環保嘅人,所以先會生產a Little Hand環保bodycare 系列。我自己用環保M巾都用左一段時間,我同好多女仔一樣都係要經過好多心理預備,心理關口先願意去嘗試!初頭我同大家諗嘅嘢都係一樣

⁉️下?環保M巾?咁核突
⁉️洗唔乾淨個喎
⁉️一日要自己洗好煩呀
⁉️下會唔會漏㗎?
⁉️咁啲血塊咪吸唔到囉
⁉️布喎,咁咪好唔透氣囉

其實呢啲問題我都諗過,但當我嘗試用嘅時候我發覺,我一路擔心嘅問題原來都唔係問題,以前用衛生巾嘅時候,底褲邊都會沾到血,真係好難洗,但原來環保M巾佢嘅物料好吸血之外,亦都好容易清洗,經常用沐浴露一過水,成條巾就好乾淨!令一個我擔心嘅問題就係吸力,環保M巾其實比傳統衛生巾更具吸力,基本上流量最多嘅日子我一日只係用兩條。唔知大家有冇面對過一個問題就係當你用平時衛生巾嘅時候,當你一坐低,你嘅下身就會向上飄出一陣血腥味,我經常都有呢一個問題,其實真係好尷尬,但係環保M巾都完全冇呢一個問題!而且佢仲唔會移位!最最最最重要係唔會磨擦到大髀內側!

好多人都會驚清潔得唔乾淨有細菌,其實日常內褲我哋都係咁樣清洗,然後每日更換,其實佢就好似一條厚啲嘅內褲,但完全好透氣,佢嘅質地比棉質更加柔軟,完全冇平時衛生巾嗰種膠貼皮膚既不適感!

同埋其實攜帶好方便,好似我哋袋衛生巾咁,一個細袋而家可以待到全日需要嘅份量,佢可以接到好細,平時我沖涼嘅時候就會順便洗埋,跟住就會用梳打粉或者白醋浸一晚,當然我會有一個專for洗M巾嘅盆,第二朝瞓醒再過水就可以晾乾佢。等我沖完涼換咗一條新嘅環保M巾時我會係表面噴我哋小手員工私伙野⭕️艾陰寶(我哋唔公開發售,係因為始終呢啲係用喺私密位置嘅產品,唔係個個接受,所以係我哋內部員工自己訂來用😆)佢係可以殺菌兼保持私密位置健康💓☺️

我哋平時用嘅衛生巾,太多塑膠成分其實海洋真係分解唔到,希望小小嘅分享可以鼓勵女生可以多啲用環保M巾😊如果你有啲咩問題,可以私下聯絡我問我㗎🌍♻️🤘🏻😊

#愛地球
#限制令
#環保衛生巾
#女生秘密
#女生talk
#私密話題
#為環保出一分力
#愛護地球其實好易做
#布M巾
#環保M巾